Mahigit P1-milyon halaga ng umano’y shabu ang nasabat ng mga awtoridad mula sa 2 drug suspects sa ikinasang buy-bust operation sa C4 Road, Barangay Bagumbayan North, Navotas City.
Kinilala ang mga suspek na sina Lean Balauro at Dave Abila, kapwa nakatira sa nabanggit na barangay.
Maliban sa P1,000 buy-bust money, narekober din mula sa dalawa ang ilang sachets ng hinihinalang shabu na tinatayang tumitimbang ng 150 grams at nagkakahalaga ng higit P1-milyon.
Sasampahan ang mga suspek ng kasong paglabag sa Comprehensive Dangerous Drugs Act of 2002.
