Umapela ang grupo ng healthcare workers sa gobyerno na doblehin rin ang kanilang sahod tulad ng ginawa sa suweldo ng mga pulis.
Ayon kay Alliance of Health Workers President Robert Mendoza, nararapat lamang na ipakita rin ng pamahalaan ang pagmamahal sa medical workers na nangunguna sa pagtugon sa COVID-19 pandemic.
Samantala, ikinababahala din ng grupo ang dami ng bilang ng mga medical workers na nagbibitiw, ngunit ayon kay Mendoza, hindi ito mangyayari kung sapat ang sweldo at benepisyo na natatanggap ng health workers.—sa panulat ni Hyacinth Ludivico
