Aalisin na ng Department Of Tourism (DOT) ang confirmatory swab test para sa mga fully vaccinated na bibisita sa isla ng Boracay sa sandaling umabot sa 100% ang COVID-19 vaccination rate sa susunod na buwan.
Ayon sa DOT, nasa 91% ng tourism worker at 62.78% ng 24,451 eligible population ang nabakunahan na.
Nasa 11,668 naman ang kabuuang bilang ng tourism worker na fully vaccinated sa Western Visayas o 63.26% hanggang Oktubre 21.
Tiniyak naman ni Aklan Governor Florencio Miraflores na tatanggap sila ng mga bisitang may patunay ng full vaccination sa halip na swab test kapag fully vaccinated na ang mga residente ng isla.—sa panulat ni Drew Nacino
