Daan-daang flights ang kanselado sa China sa gitna ng panibagong COVID-19 outbreak sa bansa.
Hinigpitan na ng gobyerno ang travel rules upang maiwasan ang pagkalat pa ng virus, mahigit apat na buwan bago ang 2022 Winter Olympics na gaganapin sa kabisera na Beijing.
Kabilang sa ipinatutupad ng pamahalaan upang maiwasan ang pagkalat ng mga local cluster case ay ang targeted lockdowns sa mga rehiyon at mas mahabang quarantine period.
Bagaman nananatiling mababa o nasa 300 pa lamang ang kumpirmadong kaso, hindi ito minamaliit ng China lalo’t mabilis ang pagkalat ng virus dahil sa nalalapit na taglamig. —sa panulat ni Drew Nacino
