Binusalan ng tagapagsalita ng Quezon City si Anakalusugan Party-List Representative Mike Defensor kaugnay sa pahayag nito na dapat bigyan na ng ‘year-end bonus’ ang mga kawani ng pamahalaang lokal bilang karagdagang ayuda sa panahon ng pandemya.
Ayon kay Atty. Orlando Casimiro, tagapagsalita ng Quezon City, huli na aniya ang pahayag ni Defensor dahil nailabas na ni Mayor Joy Belmonte ang tatlong memorandum circular na nagsasaad ng pagbibigay ng mga christmas bonus at iba pang mga benepisyo sa mga empleyado ng Quezon City Hall na di kinakailangan lumagpas ng Disyembre 20, 2021.
Giit din ni Casimiro na taon-taon ito ginagawa ng mayora mula ng maupo bilang alkalde ng nasabing lungsod. —sa panulat ni Airiam Sancho
