Mariing kinondena ng European Union Delegation sa Maynila ang pagkapaslang sa isang journalist sa Davao Del Sur.
Reporter at blocktime anchor si Orlando “Dondon” Dinoy na kamakailang maging laman ng balita matapos siyang barilin sa inuupahang boarding house ng hindi pa nakikilalang suspek.
Ani ni Undersecretary Joel Sy Egco at Presidential Task Force on Media Security Executive Director, agad ipinakilos nito ang mga ahente ng task force matapos mabalitaan ang insidente.
Sa isang press release, pinuri ng delegasyon ang mabilis na aksyon ng pamahalaan sa paghahanap at pagpapanagot sa mga suspek.—sa panulat ni Joana Luna
