Isa ang patay habang dalawa pa ang sugatan matapos ang pamamaril ng isang suspek sa Tondo, Maynila.
Kinilala ang biktimang nasawi na si Abegail Bolo, 21-anyos habang nadamay naman sa pamamaril ang dalawang menor-de-edad na kinilalang sina Alia Rose Balondo, at Shery na nagpapagaling ngayon sa ospital matapos madaplisan ng ligaw na bala.
Ayon sa mga tauhan ng Manila Police District-Homicide Section, binisita umano ng biktima ang kaniyang dating kinakasama nang may sumulpot na armadong lalaki saka binaril ang biktimang si bolo.
Kinilala ang suspek na si Jeric Reyes na residente ng Purok 3, Isla Puting Bato, sa Tondo ng nasabing lungsod.
Inaalam pa ng mga otoridad ang motibo sa pamamaril ni Reyes na pinaghahanap ngayon matapos tumakas. —sa panulat ni Angelica Doctolero
