Naaresto na ng mga tauhan ng Office Of The Senate Sergeant-At-Arms. Ang magkapatid na Mohit at Twinkle Dargani ng Pharmally Pharmaceutical Corporation.
Nasakote ang 2 Pharmally Executives sa Davao International Airport sa pangunguna ni OSAA Director Manny Parlade, dakong ala-5 kahapon.
May nakapagtimbre sa mga tauhan ng OSSA na palabas ng bansa ang magkapatid na Dargani sakay ng isang chartered flight patungong Kuala Lumpur, Malaysia.
Nabatid na nagkaroon pa ng kaunting komosyon nang tumakbo si Mohit upang makatakas sa mga aaresto sa kanila.
Bago mag-alas diyes naman kagabi nang dumating sa NAIA Ang mga tauhan ng OSSA bitbit ang magkapatid na Dargani.
Oktubre a-disi nwebe nang ipa-contempt ng Senate Blue Ribbon Committee ang mga Dargani dahil sa patuloy na pagtangging magsumite ng mga company document na hinihingi ng kumite. —sa panulat ni Drew Nacino