1 ang patay habang sugatan at kritikal sa ospital ang 12 pang indibidwal sa nangyaring gas explosion sa isang bahay sa Mexico.
Ayon sa City’s Secretariat of Comprehensive Risk Management and Civil Protection, isang 20-anyos na babaeng may sakit ang nasawi matapos gumuho ang kanilang bahay dahil sa malakas na pagsabog.
Wala namang nadamay na iba pang bahay at wala ding naitalang damage sa lugar.
Sa ngayon, patuloy paring iniimbestigahan ng mga otoridad ang pangyayari. —sa panulat ni Angelica Doctolero
