Kinumpirma ng model-cosplayer na si Alodia Gosiengfiao na hiwalay na sila ng vlogger-Youtuber na si Wil Dasovich.
Sa Facebook post ni Alodia, matapang niyang sinagot ang tanong ng mga netizen na patuloy na nakikiusisa tungkol sa estado ng kanilang relasyon.
Ayon kay Alodia, maraming beses na nilang sinubukan na maging okay at ayusin ang kanilang relasyon pero may mga bagay umano na hindi “meant to be.”
Nito lamang nakaraang buwan ay naglabas pa ng litrato si Wil kasama si Alodia para sa disenyo ng bahay na kanilang pinaplanong ipatayo.
Taong 2018 nang unang kinumpirma nina Wil at Alodia ang kanilang relasyon kung saan, nasubaybayan pa ng mga viewers kung paano sinuportahan at inalagaan ni Alodia si Wil sa ospital nang magkasakit ito ng colon cancer.
Sa ngayon, umaasa si Alodia na igagalang ng netizens ang kanilang naging desisyon sa kanilang relasyon. —sa panulat ni Angelica Doctolero
