Makikipagugnayan ang Philippine National Police (PNP) sa inter-Agency Task Force (IATF) para sa mga ipatutupad na guidelines at health protocols sa panahon ng kampanya.
Ayon kay PNP Chief Lieutenant General Dionardo Carlos mahalagang may malinaw na guidelines ang PNP patungkol sa mga pahihintulutang aktibidad sa panahon ng kampanya sa mga lugar na nasa ilalim ng iba’t ibang alert level
Ani Carlos, sa oras na mayroon nang mapagkasunduang guidelines ay agad itong ipatutupad.
Nananawagan naman si Carlos sa mga kandidato na pulungin ng mga ito ang kani-kanilang supporters at campaign staffs upang planuhin ang kanilang isasagawang kampanya na walang nilalabag na health protocols. —sa panulat ni Joana Luna