Kailangan na umanong bantayan sa mga susunod na Linggo ang bahagyang pagtaas sa weekly Covid-19 positivity rate sa Metro Manila.
Ito’y sa gitna ng patuloy na pagbaba ng Covid-19 cases sa bansa na nagbigay-daan sa gobyerno upang paluwagin ang quarantine restrictions at hayaan muling magbukas ang mga negosyo at makalabas ang mas maraming tao.
Ayon kay Philippine College of Physicians President, Dr. Maricar Limpin, tinatalakay na nila sa medical community ang mga posibleng hakbang upang hindi na muling maghigpit sa kilos ng publiko o magtataas ng alert level sakaling magpatuloy ang trend.
Masyado na anyang matagal na nababad ang mga tao sa lockdown kaya’t kailangan nang matutong mamuhay ng publiko kasama ang virus.
Nilinaw naman ni Limpin na ang pamumuhay sa gitna ng pandemya ay hindi nangangahulugang kalilimutan ang mga protective measures laban sa Covid-19. —sa panulat ni Drew Nacino