Handang sumailalim sa drug test ang mga presidential aspirant na sina Senador Christopher “Bong” Go at Labor Leader Leody De Guzman.
Matatandaang inihayag ni Pangulong Rodrigo Duterte na mayroong presidential candidate na gumagamit ng cocaine.
Ayon kay Go, handa siyang magpa-drug test upang mapatunayan sa mga Pinoy kung sino ang karapat-dapat na mamuno sa bansa.
Sinabi naman ni De Guzman na handa rin siyang sumalang sa drug test kung gagawin itong mandatory ng Commission on Elections (COMELEC).
Gayunman, ang naturang hakbang ay maaari aniyang isang paglabag sa konstitusyon at human rights. —sa panulat ni Hya Ludivico
