Nahulog ang 82 taong gulang na Lola sa ika-18 palapag mula sa ika-19 na palapag sa isang gusali sa Jiangsu, China.
Nangyari ang insidente habang nagsasampay ng bedding sa balkonahe sa nasabing palapag ang matanda kung saan lumambitin ang kanyang mga paa sa isang sampayan ng mga damit.
Agad kinabitan ng safety rope ng mga rescuer ang Lola para hindi tuluyang mahulog mula sa pagitan ng 17th at 18th floor.
Ilang saglit ang lumipas nakuha rin ang matanda mula sa pagkakalambitin at dahan dahang hinila sa isang palapag na may nakaabang na rescue team.
Nailigtas naman ang matanda at hindi naman ito nagtamo ng injury sa kanyang katawan.
