Dumating na sa bansa kahapon ang ikalawang batch ng AstraZeneca COVID-19 vaccine na donasyon ng United Kingdom sa pamamagitan ng Covax facility.
Dakong alas-4 ng hapon nang lumapag sa NAIA terminal 3 ang emirates airlines flight EK-332 na may kargang 288,000 doses ng AstraZeneca.
Una nang inanunsyo ni vaccine czar Carlito Galvez Jr. na magbibigay ang UK ng 5,225,200 doses ng AstraZeneca sa Pilipinas.
Dumating ang unang batch ng bakuna na nasa 3 million doses noong Huwebes ng gabi habang ang ikatlo at huling batch na tinatayang 1.7 million doses ay darating ngayong araw.
Nasa 139,658,840 na ang suplay ng bakuna sa bansa kabilang ang 79,602,980 doses na naiturok habang nasa higit 60 million ang nasa government warehouses.—mula sa ulat ni Raoul Esperas sa panulat ni Drew Nacino
