Naniniwala si partido Federal Presidential Candidate Bongbong Marcos na malalagpasan ng bansa ang bagong COVID-19 variant na Omicron.
Sinabi ni Marcos,na kailangang mas paigtingin ng pamahalaan ang pagpapatupad ng mga health protocols at bilisan ang pagbabakuna upang mabilis makamit ang herd immunity.
Paliwanag pa ni Marcos, siya mismo ay nakaligtas sa lahat ng naunang variant ng COVID-19.
Hindi aniya dapat mag-panic kundi kailangan gumawa ng hakbang para mapigilan ang pagkalat ng virus sa bansa.
Bagama’t mabagal ang pagbangon muli ng ekonomiya ng bansa kailangan anyang unahin ang kaligtasan ng mga mamamayan.
