Arestado ang isang Food Panda delivery rider matapos mahulihan ng shabu sa Sta. Cruz, Maynila.
Sa report ng mga tauhan ng Manila Police District (MPD), kinilala ang suspek na si Eduardo De Los Santos, 48-anyos na magdedeliver sana sa kaniyang kliyente sa Oroqueta St. Sa kanto ng Yuseco St. ng nabanggit na lungsod nang masita ng mga nagpapatrolyang pulis, pasado Alas-dose ng madaling araw.
Ayon kay PLT.COL John Guiagui, dati nang sumuko ang suspek nang magsimula ang kampanya laban sa iligal na droga matapos ang operation tokhang pero muling bumalik sa paggamit at pagbebenta ng iligal na droga.
Nahaharap ngayon sa kasong paglabag sa RA 9165 o Comprehensive Dangerous Drug Act of 2002 sa Manila Prosecutors Office ang inarestong suspek. —sa panulat ni Angelica Doctolero
