Pumalo na sa mahigit 42K ang bilang ng mga pulis na gumaling sa COVID-19.
Ayon sa Philippine National Police – Health Service, umabot sa 42,046 sa kanilang mga tauhan ang nakarekober na pero mayroong limang pulis ang bagong dinapuan ng nasabing virus kayat umakyat ang bilang nito sa 42,208.
Sa ngayon, nasa 37 pulis na lang ang ginagamot at naka-isolate sa iba’t ibang health facilities at quarantine facilities habang nananatiling ligtas ang organisasyon dahil walang naiulat na nasawi. —sa panulat ni Angelica Doctolero
