Tinupok ng sunog ang nasa dalawampung bahay sa barangay Pulang Lupa Dos, Las Piñas City.
Ayon sa BFP-Las Piñas, makitid ang kalsada papasok sa naturang lugar kaya’t wala halos naisalbang gamit ang mga residente.
Batay sa ulat, umabot ng ikalawang alarma ang sunog bago ideklarang under control.
Tinatayang nasa tatlong daang libong piso ang halaga ng natupok na ari-arian ng apoy.
Samantala, nakikipagtulungan na ang DSWD at disaster office ng local government sa mga residente, para makapag-paabot ng karampatang tulong.—mula sa panulat ni Joana Luna
