Natupok ng apoy ang 15 bahay sa barangay Cupang, Muntinlupa.
Ayon sa Bureau of Fire Protection o BFP-Muntinlupa, nagsimula ang sunog sa bahay ni Esmeraldo Parco na umabot sa ikalawang alarma sa Martinez compound sa Manuel l. Quezon street sa purok Uno.
Base sa Facebook post ng Barangay Cupang, nasa 17 pamilya na binubuo ng humigit-kumulang 70 indibidwal ang naapektuhan ng naturang sunog.
Samantala, iniimbestigahan na ng BFP-Muntinlupa ang naging sanhi ng sunog habang inaalam pa ang halaga ng pinsala ng mga ari-arian.—mula sa panulat ni Khime Gomez
