Tiniyak ng local government unit (LGU) ng Tagaytay na patuloy pa ring ipinatutupad ang mga safety protocols sa mga sikat na destinasyon nito.
Ayon kay Tagaytay City Tourism Officer Jarryd Bello, halos dumoble ang bilang ng mga turistang bumibisita sa mga sikat na parke ngayong buwan kumpara sa naitala noong Nobyembre.
Dagdag pa ng local tourism official, na fully booked na rin ang mga accommodation establishments, gayundin ang mga restaurant para sa holiday season.
Samantala, pinaalalahanan naman ni Bello ang mga nagpaplanong mag-book ng hotel sa Tagaytay na dalhin ang mga kinakailangang dokumento tulad na lamang ng vaccination card para sa mga fully vaccinated o negative RT-PCR test result para sa mga hindi pa nababakunahan kontra Covid-19. –Sa panulat ni Khime Gomez
