Muling nagpatupad ng dagdag presyo sa kanilang mga produkto ang mga kumpanya ng langis matapos ang limang magkakasunod na linggo ng price rollback nito.
Epektibo alas-12:01 kaninang hatinggabi nang ilarga ng Caltex ang dagdag P1.60 centavos sa kada litro ng gasolina, P1.35 sa kada litro ng diesel habang P1.20 naman sa kada litro ng kerosene.
Kaninang ala-6 naman nagsimulang magpataw ng kahalintulad na price increase ang ilang pang kumpanya ng langis habang alas-4 ng hapon naman magpapatupad ng taas presyo sa produktong petrolyo ang Cleanfuel.
Ang panibagong price increase ay bunsod ng paggalaw ng presyuhan ng langis sa pandaigdigang merkado.
