Patuloy pang nadaragdagan ang mga napapaulat na casualties dulot ng pananalasa ng bagyong Odette sa malaking bahagi bansa.
Batay sa pinakahuling datos ng National Disaster Risk Reduction and Management Council (NDRRMC), pumalo na sa 258 ang napaulat na bilang ng mga nasawi.
Gayunman, nilinaw ng NDRRMC na mula sa naturang bilang ay nasa 11 pa lamang ang kumpirmado habang under validation pa ang iba.
Maliban dito, nakapagtala rin ang NDRRMC ng may 566 na bilang ng mga nasugatan sa pananalasa ng bagyo habang may 47 na napaulat na nawawala. —sa ulat ni Jaymark Dagala (Patrol 9)
