Ipinahayag ni Health Secretary Francisco Duque, III na nakakaalarma ang pagdoble ng daily COVID-19 cases na naitatala ngayong holiday season.
Ayon kay Duque, imo-monitor ng Department of Health (DOH) kung ang pagtaas ng bilang ng COVID infections ay patuloy na makikita sa maitatalang bilang ng kaso ngayong araw.
Ani Duque kung magpapatuloy ang pagtaas ng nasabing virus trend, dapat mas tiyakin ng publikong makasusunod ito sa minimum public health standards.
Una nang sinabi ng OCTA Research Group na posibleng pumalo sa 2,500 ang maitatalang kaso ng COVID-19 ngayong araw, December 31, 2021. —sa panulat ni Joana Luna
