Hinimok ni Labor Secretary Silvestre Bello III na dapat sagutin ng employment agencies ang RT PCR test at quarantine ng Overseas Filipino Workers (OFW) na patungong Taiwan.
Ang naturang pahayag ay matapos ang kumakalat na ulat na ipinapasagot umano sa mga OFW ang kanilang swab test at quarantine.
Ayon kay Bello, hindi dapat ang ofw ang sumasagot o gumagastos dahil wala naman itong mga pera dapat employer o agencies dahil sila ang kumikita sa mga ito.
Giit ng kalihim, hindi ito papayag na gumastos ang OFW kaya patuloy na nakikipag-ugnayan ito sa mga agencies upang maresolba ang naturang isyu.
