Nasawi ang isang motorista habang sugatan ang dalawang iba pa matapos ang aksidente sa Catanauan Town sa Quezon Province.
Ayon sa Catanauan police, naganap ang aksidente kahapon sa National Road patungong Town Center.
Kinilala ang nasawing rider na si Philip Abenilla, 37-anyos habang sugatan ang kasama nito na sina Jason Organo, 29-anyos at Elmer Caparros, 25-anyos.
Batay sa impormasyon ng pulisya, nawalan ng kontrol sa pagmamaneho si Abenilla kaya sumalpok sa konkretong bahagi ng kalsada.
Dito na tumilapon ang sakay nito na sina Organo at Caparros.
Agad dinala sa pagamutan ang tatlo pero hindi na umabot ng buhay si Abenilla.—sa panulat ni Abigail Malanday
