Kalunus-lunos ang sinapit ng isang lolo matapos na katayin at isinilid ang katawan nito sa isang septic tank sa Quezon.
Kinilala ang biktima na si Benjamin Valdoria, 75 anyos.
Base sa imbestigasyon ng Sariaya Police, hinahanap umano ng 8- anyos na apo ng biktima ang kanyang lolo nang mapansin nito ang duguang tsinelas malapit sa butas ng septic tank sa kanilang likod bahay at dito na tumambad ang kanyang lolo na wala nang buhay.
Agad sinabi ng bata sa kanyang tiyuhin ang kaniyang nasaksihan, kung kaya’t tumawag agad ito sa mga otoridad.
Nang dumating ang mga pulis sa lugar, napansin nila ang saksak sa mukha ng matanda na umano’y naging dahilan sa agarang pagkamatay ng biktima.
Samantala, inaalam pa rin ng mga otoridad ang motibo at mga tao sa likod ng pagpatay sa biktima. —sa panulat ni Mara Valle
