Posibleng maglunsad na ng pag-atake anumang oras ang Russia sa Ukraine.
Ito ang ibinabala ni US Secretary of State Antony Blinken sa gitna ng tumitinding tensyon sa pagitan ng Russia at Ukraine sa kanilang border.
Ayon kay Blinken, ang napakalaking bilang ng mga sundalo at military equipment ng Russian Forces sa Ukrainian Border ang indikasyon ng nagbabadyang pananakop ng Russia.
Sa kabila nito, tiniyak ng US handa silang tumulong maging ang North Atlantic Treaty Organization at European Union upang mapahupa ang sitwasyon.
