Patay ang isa habang sugatan naman ang tatlo pang indibidwal sa pamamaril ng isang lalaki sa isang eskwelahan sa Germany.
Ayon sa mga otoridad, isang 18 anyos na lalaki na sinasabing may problema sa pag-iisip ang dumating sa gitna ng klase ng mga mag-aaral saka namaril.
Base sa imbestigasyon ng mga otoridad, nagtext pa umano ang suspek sa kaniyang ama na kaniyang “parurusahan ang mga tao.”
Narekober sa lugar ang isang daang basyo ng bala habang patuloy pang iniimbestigahan ng mga otoridad ang motibo sa pag-atake.
