Arestado ang isang lalaki, habang nakatakas naman ang isa pang kasama nito matapos tumangay ng nasa halos 100 libong halaga ng cash at gadget sa isang tindahan ng bisekleta sa Bacoor City, Cavite.
Kinilala ang mga suspek na sina Rulino Cantelejo at kasama nitong si Romel Dolorez.
Ayon kay Lamberto Bolante, 63 anyos na may-ari ng naturang bikeshop, madaling-araw nang pasukin ng mga suspek ang bike store, natangay dito ang 2 mountain bike, laptop na nagkakahalagang 30,000 pesos, 7,000 pesos lenovo android phone at kita sa tindahan na 32,000 pesos cash.
Kasalukuyang nasa kustodiya ng mga otoridad si cantelejo habang pinaghahanap pa rin si Dolorez, mahaharap ang mga suspek sa kasong robbery.- sa panulat ni Mara Valle
