Dumipensa ang Department of Health (DOH) sa naging desisyon ng gobyerno na alisin ang restriction para sa mga travelers na papasok sa bansa.
Kasunod ito ng sinabi ni Dr. Anthony Leachon kung saan posible aniyang magdulot ang polisiya ng pagkakaroon ng superspreader event.
Ayon kay Health Usec. Myrna Cabotaje, napagkaisahan ito ng Inter-Agency Task Force (IATF) matapos makita na gumanda ang general conditions basta fully vaccinated at nakatanggap ng booster shot.
Habang daan din aniya ito para mapalago ang ekonomiya ng bansa na pinadapa ng COVID-19 pandemic. —sa panulat ni Abby Malanday
