Matapang na kumasa sa iba’t ibang Tiktok challenge ang kapamilya stars na sina Carlo Aquino, Nikko Natividad, at Jerome Ponce.
Nagsama-sama ang tatlong aktor para sa isang fundraising activity para sa mga biktima ng bagyong Odette kung saan, nagpakitang gilas sina Carlo, Nikko at Jerome sa pagsayaw ng toxic x pony mashup craze at tutu challenge.
Sumabak din ang tatlong heartthrobs sa “bad romance” challenge at “jojowain o totropahin” challenge.
Ang tiktok challenge ay bahagi ng “isang daan sa pagtutulungan” para sa mga pamilyang pinadapa ng bagyong Odette na isinagawa nito lamang Huwebes, January 28. —sa panulat ni Angelica Doctolero
