Nanawagan ang pamilya ng napatay na alkalde ng Calbayog City na si Ronaldo Aquino nang higit na seguridad sa kanilang probinsya kasunod ng pagpaslang sa ilang indibidwal.
Ayon sa anak ng City Mayor na si Mark Aquino, ang kahilingan ay bunsod ng pagpatay sa Chairman ng isang sanggunian ng kabataan noong nakaraang linggo at tatlong tagasuporta ng isang kandidato sa pagkagobernador na tinambangan dalawang linggo na ang nakakaraan.
Aniya, tanging ang publiko ang makakasagot sa puno’t dulo ng nasabing pangyayari kung saan ang mga ito rin ay makakapagdesisyon sa darating na halalan kung sino ang may malasakit para sa kapayapaan.
Samantala, umaasa si Aquino na magiging patas ang lahat hinggil sa paghahanap ng hustisya sa pagkamatay ng kaniyang ama. - sa panulat ni Airiam Sancho
