Kailangan pa ring magpakita ng vaccination card ang mga 18 anyos pataas upang makadalo sa mass gathering at makapasok sa mga establisyemento kahit nasa ilalim na ng alert level 1.
Alinsunod sa inamiyendahang panutunan ng Inter-Agency Task Force (IATF), kinakakailangan pa ring magprisinta ng vaccination card sa indoor dine-in services, commissary, restaurant, religioud gatherings at iba pa.
Ayon kay Acting Presidential Spokesperson Karlo Nograles, kailangan pa ring magsuot ng face mask at sundin ang physical distancing.
Sa ilalim ng nasabing alert level, pinayapagan na magbukas ang 100% capacity ng mga pribadong opisina o tanggapan at full capacity sa mga pampublikong transportasyon.
