Magsasampa ng protesta laban sa gobyerno ang Moro Islamic Liberation Front (MILF) kasunod ng naganap na operasyon ng militar sa Lanao Del Sur nitong Linggo.
Ayon kay Atty. Naguib Sinarimbo, tagapagsalita ni BANGSAMORO Interim Chief Minister Ahod Ebrahim, lumabag umano sa umiiral na ceasefire ang gobyerno matapos magpasabog ng bomba sa bayan ng maguing.
Hindi naman kasi aniya kuta ng mga terorista ang pinasabog dahil sa terirtoryo ito ng MILF.
Matatandaang una nang sinabi ng militar na target nila sa operasyon ang mga miyembro ng Daulah Islamiyah na sangkot din sa Marawi Siege noong 2017. - sa panulat ni Abigail Malanday
