Inilabas na ang teaser ng inaabangang tv series na “2 good 2 be true”, kung saan tampok sina Kathryn Bernardo at Daniel Padilla o KathNiel.
Sa teaser, ipinakilala ang karakter nina Kath at Daniel bilang sina Alisson at Elorde.
Ang nasabing series ay ang unang romantic-comedy teleserye ng KathNiel sa loob ng walong taon, kung saan sinabi ni DJ na handog nila ito sa kanilang loyal fans na nag-aabang ng kanilang comeback.
Kabilang sa cast ng series sina Gloria Diaz, Irma Adlawan, Gelli De Belen, Romnick Sarmenta, Matt Evans, Jenny Miller, at Yves Flores.
Sa ngayon ay wala pang anunsyo hinggil sa premiere date ng “2 good 2 be true”.
