Inihayag ng Department of Health (DOH) na nasa 70 % na ng target population ng bansa ang nabakunahan na kontra COVID-19.
Batay sa pinakahuling datos, nasa 74.22 percent ng mga senior citizen ang naturukan na ng bakuna laban sa virus.
Binubuo ng 8,721,357 ang grupo ng mga senior citizen habamg ang target population ng bansa para sa inoculation ay nasa 80 percent ng buong populasyon ng bansa.
Samantala, lumabas sa datos ng DOH na nasa mahigit 63M na indibidwal ang fully vaccinated na habang mahigit 10M na katao naman ang nakatanggap na ng booster shot.
