Binuksan na muli ang runway 06-24 sa NAIA Terminal 1 matapos sumadsad ang eroplano ng Cebu Pacific Airlines.
Sinabi ni Civil Aviation Authority of the Philippines Spokesperson Eric Apolonio,hinihintay na lamang nila ang ulat ng mga imbestigador hinggil sa naturang aksidente.
Base sa pahayag ng cebu pacific, nangyari ang aksidente kung saan sangkot ang Cebgo Flight DG 6112 na biyaheng naga-manila.
Lulan ng naturang eroplano ang nasa apatnapu’t anim na pasahero at limang crew na pawang ligtas sa naturang insidente.
Nakaalis na rin sa paliparan ang mga pasahero matapos matulungan ng airline company.
Samantala, kabilang sa mga naapektuhan ang flights ng Philippine Airlines (PAL) patungong London, Dammam, Doha at Dubai.
