Dumating na sa bansa dakong alas-9 kagabi ang nasa 1,080,000 doses ng reformulated Pfizer COVID-19 vaccines.
Binili ito ng gobyerno para sa pagbabakuna sa mga kabataang edad lima hanggang labing-isa.
Ayon sa National Task Force Against COVID-19, dagdag ang bakuna sa una na ring dumating nitong Huwebes na 1,056,000 doses.
Batay sa huling tala, nasa 137,351,822 doses na ng bakuna ang naiturok sa bansa kung saan 63,992,620 ang fully vaccinated. —sa panulat ni Abby Malanday
