Biglang nagpatupad ng rollback sa kada litro ng kanilang Diesel ang kumpaniyang Cleanfuel, isang araw matapos na magpatupad ito ng P13 na Oil Price Hike.
Batay sa abiso ng Cleanfuel, magpapatupad sila ng P3 hanggang P5 tapyas presyo sa Diesel sa loob ng 3 araw o epektibo ngayong araw, Marso 16 hanggang Biyernes, Marso 18.
Ayon sa Cleanfuel, layon nitong tulungan ang mga nasa sektor ng transportasyon na maibsan ang epektong dulot sa kanila ng Super Bigtime Oil Price Increase lalo’t karamihan sa mga pumapasadang jeepney ay diesel ang ginagamit.
Bisitahin lamang ang website o social media pages ng Cleanfuel upang malaman kung saan partikular na mga gasoline station nila ipinatutupad ang tapyas presyo sa kanilang Diesel.
- ulat mula kay Jaymark Dagala (Patrol 9)
