Inilatag ng Philippine National Police (PNP) ang seguridad kaugnay sa pagsisimula ng kampaniya para sa local elections ngayong araw.
Ayon kay PNP Spokesperson Pol. Col. Jean Fajardo, titiyakin nila na magiging mapayapa ang panahon ng campaign period sa local position.
Sinabi ni Fajardo na magbibigay ang kanilang ahensya ng standard security package sa mga kandidato pero mananatili lamang ang mga pulis sa campaign activity area at hindi susunod sa mga kandidato.
Iginiit ni Fajardo na tanging ang mga kandidatong may certificate of authority mula sa COMELEC ang maaari lamang magkaroon ng police security personnel.
Samantala, aminado naman ang National Capital Region Police Office (NCRPO) na malaking hamon para sakanila ang election 2022 dahil narin sa kinakaharap na global health crisis bunsod ng COVID-19.
Sa ngayon, target ng NCRPO na maging mapayapa ang kampaniya ngayong araw at walang mga election related incident.
Tiniyak din ng NCRPO na magpapatuloy ang kanilang anti-criminality campaign sa kabila ng kanilang pagbabantay sa ibat-ibang election campaigns. . – sa panulat ni Angelica Doctolero
