Nagpalabas na ang mga kumpanya ng langis ng halagang itatapyas sa presyo ng kanilang oil products bukas, Martes.
Alas dose uno ng hatinggabi nasa 2.30 kada litro ang tapyas presyo ng Caltex sa gasolina, 1.85 sa diesel at 1.65 sa kerosene.
Ganito rin ang halaga ng tapyas presyo sa kada litro ng gasolina, diesel at kerosene ng Shell, Sea Oil at Petro Gazz epektibo alas sais ng umaga.
Alas otso uno naman ng umaga ipatutupad ang parehong halaga ng bawas presyo sa kada litro ng gasolina at diesel ng Cleanfuel.
Ayon sa oil industry, ang ikalawang bawas presyo sa taong ito ay kasunod nang paglalabas ng reserbang langis galing sa kanilang strategic petroleum reserve ang Amerika at development sa usapan ng Russia at Ukraine.
