Nagpaabot ng pakikiramay ang pamunuan ng Philippine National Police (PNP) sa naulilang pamilya ni P/CMSgt. Gilbert Robles Briz.
Ito’y matapos mauwi sa engkwentro ang ikinasang anti-illegal gambling operations ng Pulisya sa Brgy. Sulib, Pangil, Laguna kagabi.
Ayon kay PNP Chief, P/Gen. Dionardo Carlos, kaniyang tiniyak na makakamit ng pamilya ng nasawing Pulis ang katarungang nararapat sa kanila gayundin ang tulong na kanilang kinakailangan.
Una rito, nakatakas ang suspek na nakilalang si Ronilo Oliveros Ruben alyas Babap subalit naaresto rin kalaunan sa bahagi naman ng Siniloan.
Ayon kay Carlos, hindi matatawaran ang ginawang ito ni Briz na ini-alay ang kaniyang sariling buhay, magampanan lamang ang kaniyang sinumapaang tungkulin na labanan ang krimen at mga iligal na gawain.
