Muling nakapagtala ng pinakamataas na bilang ng mga commuters ang Metro Rail Transit Line 3 (MRT 3).
Ito ang pinakamataas simula nang magbalik operasyon ang rail line nuong Hunyo 2020.
Sinabi ng pamunuan na bunsod ito ng ipinatutupad na libreng sakay at pagpapatakbo ng 18 na 3 car CKD train set at dalawang 4 car CKD train set sa mainline.
Sa tulong nito, nasa 18 hanggang 21 ang average train sets na napapatakbo ng MRT-3 sa main line.
Pinataas na rin ang passenger capacity sa bawat tren na kaya nang makapagpasakay ng 1,576 na pasahero kada train set, at 394 na pasahero kada train car.
Samantala, tatagal ang libreng sakay sa mga pasahero hanggang sa katapusan ng Abril.