Malaki ang maitutulong ng mga Health expert na Muslim upang mapataas ang vaccine coverage partikular sa Bangsamoro Autonomous Region in Muslim Mindanao (BARMM).
Sinabi ni National Adverse Events following Immunization Committee Chair Dr. Lulu Bravo, na mayroon silang sinanay na mga Muslim expert mula sa Mindanao.
Sa pamamagitan aniya ng mga ito ay maipapaliwanag ng maayos sa mga mamamayan ang kahalagahan ng pagpapaturok ng COVID-19 vaccine.
Paraan din aniya ito upang mas makumbinsi ang mga taga-BARMM na magpabakuna na at maiwaksi ang mga maling impormasyon at fake news kaugnay sa bakuna kontra COVID-19.
