Nagpatupad na ng lockdown ang gobyerno ng China upang makontrol ang pagsirit ng kaso ng covid-19 sa Shanghai.
Ayon kay Consul General Josel Ignacio ng Philippine Consulate sa nasabing lugar, mahigpit na ipinatutupad ng China ang dynamic zero-covid-19 strategy na may layuning maalis ang impeksiyon sa mga komunidad.
Bukod pa dito, ito din ang mabisang paraan para mabilis na makabalik sa normal ang sitwayson ng nasabing bansa.
Sakaling may magpositibo sa Covid-19 sa isang gusali, ay agad nilang ilalockdown ang area at hindi maaring lumabas ang mga residente hangga’t hndi pa bumababa ang kaso ng Covid-19.
Samantala, tiniyak naman ni Ignacio na walang magiging problema sa pagkain at sapat ang suplay na ipamamahagi sa mga residenteng pilipino sa Shanghai, China. —sa panulat ni Angelica Doctolero