Pasok sa official Top 40 candidates ng Binibining Pilipinas 2022 ang comedian-host na si Herlene “Hipon Girl” Budol.
Kwento ni Hipon Girl, speechless na siya noong tinawag ang kaniyang number na 67 at pagkatapos ng event ay umiyak na lamang siya nang umiyak sa backstage.
Lubos naman ang naging pasasalamat ni Herlene sa kaniyang tagasuporta, kaibigan, manager at kinabibilangan network at humiling ng suporta at panalangin sa kaniyang pageant journey.
Nabatid na ginanap kagabi, April 22, 2022 ang final screening para sa 58th edition Binibining Pilipinas sa New Frontier Theater.
Samantala, maliban kay Herlene, pasok rin ang mga celebrity na sina Diana Mackey at Stacey Gabriel gayundin si 2020 Miss Eco Teen International Roberta Tamondong. – sa panulat ni Abie Aliño-Angeles
