Inilabas na ng PNP-BARMM ang mukha ng lalaking itinuturing na person of interest sa pagpapasabog sa isang bus sa Bayan ng Parang, Maguindanao.
Ayon kay BARMM Regional Director, Brig. Gen. Arthur Cabalona, ibinase ang artist sketch sa testimonya ng mga pasahero.
Isa ang suspek sa 23 pasahero na bumaba ng bus bago ang pagsabog.
Galing sa General Santos ang bus at patungo sanang Dipolog City.
Kumuha pa ito ng pasahero sa Cotabato City at nag-stop over sa parang nang sumabog kung saan anim naman ang nasugatan.
Bumuo na rin ng special investigation task group ang PNP sa nangyari.
