Tumaas nang P2 o higit pa ang presyo ng bigas dahil sa patuloy na pagtaas ng presyo ng petrolyo.
Ito ang sinabi ni Bantay Bigas Spokesperson Cathy Estavillo na nasa P50 kada bag ang price increase sa bigas noong unang bugso ng serye ng oil price hike dahil sa gastos sa transportasyon.
Dati aniya, ito ay mabibili lamang sa P38 kada kilo na ngayo’y naging P40.
Paliwanag pa ni Estavillo na naapektuhan din umano ang presyo ng nabanggit na produkto dahil sa talamak na smuggling ng mga produktong agriklultura maging ang importasyon ng bigas.
Nabatid na una nang sinabi ng isang agricultural group na tataas ang presyo ng bigas.- sa panulat ni Airiam Sancho
