Posibleng magsampa ng ang Commission on Election (COMELEC) laban sa limang indibidwal na umano’y nagpapakalat ng fake news sa social media ukol sa Halalan 2022.
Ayon kay Commissioner George Garcia, ini-refer na niya sa National Bureau of Investigation (NBI) nuong isang linggo ang limang pangyayari kung saan ang kredibilidad at integridad ng electoral process ay siniraan.
Ngunit sinabi pa ni Garcia na laban lamang ang poll body sa maling impormasyon at hindi sa kritisismo sa kanila.
Samantala, iginiit din ni garcia na ang kahalagahan ng free expression at siniguro na hindi kakasuhan ang sinumang nagpapahayag lamang ng kaniyang opinyon ukol sa eleksyon.
